प्रिय मास सभासद, सस्नेह नमस्कार विनंती विशेष, महावितरणचे आयोगाने सप्टेंबर २०१८ मध्ये निश्‍चित केलेले औद्योगिक वीजदर शेजारील सर्व राज्यांच्या तुलनेने २०% ते ३५% नी जास्त आहेत. घरगुती, व्यापारी व शेतकरी ग्राहकांचे वीजदरही देशातील सर्वाधिक वीजदर पातळीवर पोहोचले आहेत. आयोगाने सप्टेंबर २०१८ च्या आदेशानुसार २०६५१ कोटी रू. म्हणजे १५% सरासरी दरवाढ लादली आहे. त्यापैकी ६% म्हणजे ८२६८ कोटी रू. ग्राहकांकडून मार्च २०२० पर्यंत वसूल केले जाणार आहेत. उर्वरीत ९% म्हणजे १२३८२ कोटी रू. नियामक मत्ता आकार म्हणून एप्रिल २०२० पासून पुढे व्याजासह सर्व ग्राहकांकडून वसूल केले जाणार आहेत. ही दरवाढ न परवडणारा प्रचंड बोजा लादणारी आहे. त्याच बरोबर उद्योगांसाठी हानिकारक व राज्याच्या विकासाला खीळ घालणारी आहे. याचे निषेधार्थ बुधवार, दिनांक १३ फेब्रुवारी २०१९ रोजी सकाळी ११.३० वाजता महावितरण मुख्य कार्यालय, कृष्णानगर, सातारा येथे वीजबील होळी आंदोलनाचा वीजग्राहक व औद्योगिक संघटना राज्यस्तरीय वीज समन्वय समिती ( ECIO-CC) ने ठरविल्या प्रमाणे कार्यक्रम आयोजित केला आहे. तरी सर्व उद्योजकांनी या परिस्थितीचा गांर्भीयाने विचार करून वीजदरवाढीचा निषेध नोंदविण्यासाठी वीजबील होळी आंदोलनास बहुसंख्येने उपस्थित रहावे. हि विनंती.

कळावे,

टीप : उद्योजकांनी सोबत येताना वीजबील झेरॉक्स प्रत आणावी.

आपला विश्वासू

मॅन्युफॅक्चरर्स असोसिएशन ऑफ सातारा ( मास ) करीता,

धैर्यशील भोसले

सचिव

भरत शेठ

चेअरमन, मास वीज कमिटी २०१९